விஸ்வரூபம் நாயகி பூஜா குமார், ரஜினிக்கு மாமியாராக நடிக்கிறாரா?

கொஞ்சம் அதிர்ச்சியான செய்திதான். உலகநாயகன் கமலஹாசனுடன் விஸ்வரூபம் திரைப்படத்தில் ஜோடியாக நடித்து வருபவர் பூஜா குமார். இவர் ஒரு பஞ்சாபி. தற்போது, அமெரிக்காவில் வசித்து வருகிறார்.

இவர் அடுத்த படத்தில், ரஜினிக்கு மாமியார் என்ற செய்திக்கு போகும் முன்பு, இதற்கு முன்னால் கமலுடன் நடித்த நடிகைகளின் நிலைமையை கொஞ்சம் பார்ப்போம்.

உலகநாயகன் கமலஹாசனுடன் கடந்த 10 திரைப்படங்களில் ஜோடி சேர்ந்த நாயகிகள் மற்றும் விவரங்கள்:

·         பம்மல் கே. சம்பந்தம் (2002) – சிம்ரன். இதற்கு பிறகு அவர் நடித்து வெற்றி அடைந்த திரைப்படங்கள் என்றால், நியூ(2004), வாரணம் ஆயிரம்(2008), போன்ற படங்கள் வணிகரீதியாக வெற்றிப்படங்கள் ஆகும். திருமணம், குழந்தை அதற்க்கு பிறகு வாரணம் ஆயிரத்தில் சூர்யாவிற்கு அம்மா. தற்போது ஜெயா தொலைகாட்சியின் ஜாக்பாட் நிகழ்ச்சி

·         பஞ்சதந்திரம் (2002) – சிம்ரன் மற்றும் ரம்யா கிருஷ்ணன். சிம்ரன் பற்றி சொல்லியாகிவிட்டது. ரம்யா கிருஷ்ணன் இந்த திரைப்படத்திற்கு பிறகு கிருஷ்ணா வம்சை என்கின்ற தெலுங்கு இயக்குனரை 2003 இல் திருமணம் செய்து கொண்டார். அவ்வப்போது ஒரு சில குத்து பாட்டுகளுக்கு நடனமும், தொலைகாட்சியில் நடன நிகழ்சிகளுக்கு நடுவராகவும் தொண்டு செய்து வருகிறார்

·         அன்பே சிவம் (2003) – கிரண். இதற்குபிறகும், அதிர்ஷ்ட வசமாக, ஒன்றிரண்டு திரைப்படங்களில் திறமை காட்டும் வாய்ப்பு. வெற்றிப்படங்கள் வின்னர் மற்றும் வில்லன். தற்போது இருக்கும் தெரியவில்லை

·         விருமாண்டி (2004) – அபிராமி. இதுதான் இவருக்கு கடைசி திரைப்படம் என்று நினைக்கிறேன்

·         வசூல்ராஜா எம்.பி.பி.எஸ் (2004) – சினேகா. இந்த பட்டியலில் தப்பி பிழைத்த ஒரே நடிகை என்று சொல்லலாம். வசூல் ராஜாவிற்கு பிறகும், பல படங்களில் நடித்து வெற்றி நடிகையாக தொடர்ந்தார்

·         மும்பை எக்ஸ்பிரஸ் (2005) - மனிஷா கொய்ராலா. சூப்பர் ஸ்டாரின் மருமகனுக்கு மாமியாராக (மாப்பிள்ளை படத்தில்) நடித்து சாதனை புரிந்தது

·         வேட்டையாடு விளையாடு (2006) – ஜோதிகா மற்றும் கமலினி முகர்ஜி. ஜோதிகாவுக்கு மொழி தவிர எதுவும் சொல்லிக்கற மாதிரி இல்லை. கமலினியின் நிலைமையோ, அப்படி ஒருத்தர் இருந்தாரா என்று கேட்குமளவுக்கு ஆகிவிட்டது

·         தசாவதாரம் (2008) – அசின். காவலன் படம் ஒண்ணுதான். பாலிவூட் என்று சொல்லும் ஹிந்தி திரைப்பட உலகத்தில் நுழைந்து ஏதோ ஓரளவிற்கு தாக்கு பிடித்துகொண்டிருக்கிறார். தமிழில் அக்கா வேடத்தில் நடிக்க கூப்பிடகூட ஆள் இல்லை

·         உன்னைப்போல் ஒருவன் (2009) -  நல்லவேளை, ஜோடின்னு யாரும் இல்லை. ஒரு நடிகை தப்பிச்சாச்சுப்பா

·         மன்மதன் அம்பு (2010) – த்ரிஷா. ஒன்னே ஒன்னு.... மங்காத்தா. அதிலும் ஒரு 15 நிமிடமே தலை காட்டும் வாய்ப்பு

இப்போ சொல்லுங்க. பூஜா குமார் இதுக்கு அப்புறம் ஒரு படம் நடிச்சா, ரஜினிக்கு மாமியாரா நடிக்காம, தனுஷுக்கு ஜோடியாவா நடிக்க முடியும்?

விஸ்வரூபம் நாயகி பூஜா குமார் பற்றிய இன்னொரு செய்தி: இவர்  சில ஆங்கில படங்களிலும் தலை காட்டி இருப்பதாக செய்தி. பல வருடங்களுக்கு முன்பு, கேயார் இயக்கிய காதல் ரோஜாவில் இவர் நடித்துள்ளாராம்.

கடசியா.. கமல் ரசிகர்களே.. மன்னிச்சுகோங்க... நான் இதெல்லாம் வேணும்னே பண்ணல பாஸ். நம்புங்க.

தொடர்புடைய பதிவுகள் :